O banco prevé dar un impulso ao proxecto en 2022 para conseguir incrementar tanto o volume de redes recuperadas como o número de deportistas beneficiados..
Compromiso
Entre as accións de protección e concienciación do medio ambiente que promove a entidade destacan, ademais do proxecto Redes Vivas, as actividades de voluntariado e de sensibilización ambiental que realiza a Obra Social Abanca. As accións de limpeza do litoral e os fondos mariños impulsadas por Afundación este ano no marco do seu Plan de Conservación Territorial- ON (Plancton), en colaboración coa Fundación Biodiversidade e o Ministerio para a Transición Ecolóxica e o Reto Demográfico, conseguiron retirar das costas galegas 18,6 toneladas de residuos.
