Nin a borrasca Beatriz puido coa cuarta xornada da Liga Atlántica de billarda. Prevista en Paiosaco, a acción trasladouse ao pavillón do IES Agra de Leborís, na Laracha.
O desplazamento non frustrou a competición do equipo local, o Campo da Feira de Paiosaco, gran dominador da xornada con victorias en categorías absoluta, feminina e infantil.
Juan Carlos foi o trunfador da xornada por diante do seu compañeiro de equipo, Edu García, mentres que Miranda, do Filloas de Sangue coruñés, completou o podio absoluto na terceira posición.
Cruz Iglesias, do Campo da Feira, gañou en mulleres por diante de Inés, dos Cochiqueiros de Cerceda, segunda, e Merche, da APB Santa Marta da Laracha, terceira.
Finalmente, Miguel Cancela venceu en infantís para o Campo da Feira de Paiosaco, acompañado no caixón por Valentín, do Filloas de Sangue da Coruña, segundo, e Kevin, do APB da Laracha, terceiro clasificado da xornada.
