Excelente estrea de Roberto Álvarez como seleccionador Cadete, logrando por primeira vez este pleno de puntos na primeira fase do Nacional.
A sub-16 fíxose co dominio da pelota e do xogo desde o inicio, deixando claras as súas intencións, e o mellor reflexo foi o primeiro gol. Un auténtico golazo. Roubo de balón de Penín en banda, parede con Miguel, avance ata a liña de fondo e pase ó centro donde entrou o deportivista Peque totalmente só. Pero si algo teñen as seleccións cántabras é unha enorme competitividade e só cinco minutos despois logrou o empate nunha acción a balón parado.
Galicia fixo unha gran primeira parte e creou opcións de sobra para chegar ó descanso por diante no marcador, pero o balón non parecía querer entrar. Penín foi unha bala pola esquerda e el creou unha boa opción no 28, ainda que a máis clara tívoa Peque nun man a man no que disparou fóra por centímetros. Un centro-chut de Juan Pereiro ó longueiro e posterior rexeite que desaproveitou Novoa, e outra moi clara de Miguel de cabeza foron as opcións máis nítidas da primeira parte.
A segunda metade foi algo máis equilibrada, con alternancias. Galicia adiantouse de novo, nesta ocasión cun gol de Penín aproveitando un rexeite nunha acción a balón parado. Pero de novo chegou moi pronto a resposta cántabra en forma de empate. Só tres minutos máis tarde unha serie de erros e rexeites permitiron a Pablo Torre facer a igualada.
Contrariamente ó que puidera pensarse polo feito de xogar dous partidos en dous días foron os cántabros e non os galegos os que máis acusaron o esforzo físico. Os nosos foron en busca do gol da vitoria e este chegou nunha acción de moito mérito. Acción a balón parado, saque en corto e Damián pon un centro medido para a cabeza do seu compañeiro Gael, que executou un remate precioso e imparable.
Quedaban catro minutos máis o desconto e os de Munitis tentaron de novo un empate que xa non chegou, rematando o partido con ese 2-3 para Galicia. Unha vitoria con dedicatoria para Iker Piedra, porteiro galego que causou baixa nos dous partidos debido a un proceso gripal.
